Pikipiki hama kae vaevae Manava
Fōufou fākatasi a ‘tou kiato ke māfai ei nē tātou o fāifai mea fākatasi i ‘tou ōlāga.
Te laufātua tē nei ne ‘fuligina mai te Gāgana Pālagi ki te Gāgana Tūvalu ne Tamana Vaeluaga Iosefa, (Nukulaelae, Tuvalu) masina o Meē 2025.
Fākatoka Fākatasi e ‘lei a tu i lō te ‘tino tau toko tasi.
MANAVA mo te Māfūlifulīga o Tau o Aso Fākamātaku Fākamālosiga ē ī ko nei o fēsoasoani a tu ke fākatoka koe mō tau ō aso fāigātā mo pōkotiāga mo te Māfūlifulīga o Tau o Aso i Tāmaki Makaurau.
E fāifai mea fākatasi tātou mo te fākatoka o ‘tou fale ‘nofo, ‘tou kōga gāluega, ‘tou ōlo mālaga, ‘tou ākoga, ‘tou Fale Tapu, mo ‘Tou Pōtu Kau Lāu Tino. E fāifai mea fākatasi tatou i ‘tou māfaufauga fākasolo mō fāka’pūlaga fakaāsi ke fākatoka ei tātou mo te ōko māi o te suā kau mātagi fākamātaku ka fēpaki mai.
A tātou ko te MANAVA mo te Māfūlifulīga o Tau o Aso Fākamātaku Fākamālosiga. A tātou ko tino kau fākatasi o ‘Tou Pōtu Kau Lāu Tino Pasifika i loto i Tāmaki Makaurau ka e ko la e fakameke a tu mo Fākamātaku Fākamālosiga o Tau o Aso.
A tātou e sālasala ka e ākutu ko fākamātalāga kē lāgolago ei a tātou taki toko tasi ke fākatoka, fākasōa, ka e toe fākamāutū kita māi i mea ‘tupu fākafūasei – pē lā mō tau ō aso faigātā ko lā e pōkotia ei a māfūlifulīga o tau ō aso.
Te tātou MANAVA e fākafeilōaki a tu ki ā koe mō tou kāiga.
Te ‘tou fākamoemoēga ko tino Pāsifika kātoa ko nei e ‘nofo, e olo ki ākoga, e gālue i Tāmaki Makaurau ke fākatoka ne pālani ke mafai o ōla i ko nei ka ē pēfea ēiloa ā tau ō aso kēsekēse e fēpakai mai.
‘Kau fākatasi mai ki a mātou! Fakailoa mai ki a mātou mē e pēfea tē outou fākatokaga ka e ē pēfea foki a mea e mānakogina nē koutou mo mea e mānako koutou o tauloto ki feitū ko nā.
Fākamau a ōutou igoa mo fakasolōga o Fāigā mea ko nei mai mua nei.
.png)
.png){kind=small}