A te tokoukēga ō Tino Pāsifika e kau fākatasi a tu ki Lau Tino Nofoaki ko lā e āofia ēi ko Kau Lotu Ēkālēsia, Ākoga, mo Potu Kau Tā’fao. A Potu Kau Lau Tino Nofoaki ne māoōpoōpoga mālosi ko lā e uke ōlotou ātamai.
Ko te fāifai mea fākatasi mo te sautala a tu o fākamātalāga ka māua ei ko fēsokotakīga ki Lau Tino ki tua ā tu ka ē ka fēsoasoani a tu ki tūlaga o fākalāvelave ‘tupu.
Ko te fākatoka o se pālani mō tūlaga o tau ō āso faigātā mo mea ‘tupu fākafuasei ka fākamālosi ei a ‘Tou Lau Tino Nofōaki mo te mafolāga o Lau Tino kātoa ki tua a tu i Tāmaki Makaurau.
○ Ka ē īsi nei se pālani a te ‘Tou Potu Kau Lau Tino Nofōaki a koutou mo tau ō aso faigātā mana ‘poko e fāka’pūla mai?
○ Ka ē ko te koga fai fōnotaga a tātou e māsani o pōkotia ne te lōfeāga mānafai e ‘lāsi a vāiaūa?
○ Ko ōi e āsi ā tu nē ia a te koga fai fōnotaga o tātou mai mua o te kau matagi?
○ Ko ōi e āsi ā tu nē ia ā fale kātoa mai tua o aso faigātā?
○ Ka e kā fākaāogā pē fea a te kogākoga o te Potu Kau Lau Tino Nofōaki o tātou i te taimi o te fākalāvelāve tupu?
○ E mafai nei ō fai a te kogākoga o te Lau Tino Nofōaki o tātou mo fai te koga māoōpoōpo ei a tino o te kau fale o ‘tou tuākoi?
○ Nē ā a ātamai e ‘nofo mo tātou i loto i te Lau Tino Nofōaki o tātou kō lā e mafai o fēsoasoani ki te Lau Tino Nofōaki mafola a tu?
○ Nē ā foki a kope o tātou e mafai o fākaāogā ke fēsoasoani a tu ki Lau Tino Nofōaki mafola a tu ki tua?
.png)
